Канадын эдийн засагч, евро мөнгөн тэмдэгтийн эцгүүдийн нэг гэгдэх Роберт Манделл 89 насандаа таалал төгссөн тухай Bloomberg  мэдээлэв. Эх сурвалж бичснээр, 1999 оны  Нобелийн шагналтан дөрөвдүгээр сарын 4-нд гэр бүлийнхээ хамт амьдарч байсан Италийн Тоскана мужид нас барсан байна.

Манделлыг Европын нэгдсэн валютын оюун санааны эцэг гэж үздэг. Тэрээр жараад оноос нэгдсэн Европын эдийн засаг, валютын холбоо байгуулах санааг дэмжиж ирсэн юм.