Билл, Мелинда Гейтс нар гэрлээд 27 жилийн дараа салахаа мэдэгдлээ. Хосууд твиттертээ "Бид хоёрын харилцааны талаар маш их бодож, нилээд ярилцсаны эцэст гэрлэлтээ цуцлуулах шийдвэр гаргасан." Тэд анх 1980-аад онд Мелинда Биллийн Майкрософт компанид ажилд ороход танилцаж байжээ. Тэрбумтан хос гурван хүүхэдтэй бөгөөд Билл Мелинда Гейтсийн санг хамтран удирддаг. Тус байгууллага халдварт өвчин, хүүхдүүдийн вакцинжуулалтыг дэмжих зэрэг үйл ажиллагаанд тэрбум тэрбумыг зарцуулсан байна. Билл Гейтс Форбсын мэдээлснээр дэлхийн хамгийн чинээлэг хүмүүсийн дөрөвт бичигддэг бөгөөд түүний хөрөнгө 124 тэрбум доллар (89 тэрбум фунт стерлинг) юм.Тэрээр 1970-аад онд хамтран байгуулсан пүүсээрээ, дэлхийн хамгийн том програм хангамжийн компани болох Майкрософтоор дамжуулан мөнгөө олжээ. "Сүүлийн 27 жилийн хугацаанд бид гайхалтай гурван хүүхдийг өсгөн хүмүүжүүлж, бүх хүмүүсийг эрүүл, үр бүтээлтэй амьдрах боломжийг олгохын тулд дэлхийн өнцөг булан бүрт ажилладаг суурийг тавьсан." "Бид энэхүү номлолд итгэх итгэлээ үргэлжлүүлэн хуваалцаж, уг сан дахь хамтын ажиллагаагаа үргэлжлүүлэх болно.” 65 настай Билл өөрийн сайн үйлсийн үйл ажиллагаанд анхаарлаа хандуулахын тулд өнгөрсөн жил Майкрософтын ТУЗ-ээс огцорсон. Хосууд 2000 онд Сиэтлд Билл & Мелинда Гейтсийн санг байгуулжээ. Тус сан нь голчлон нийгмийн эрүүл мэнд, боловсрол, цаг уурын өөрчлөлтөд анхаарлаа төвлөрүүлдэг. Энэхүү тэтгэлэгт Ковид-19 тахлын үеэр вакцин хийх санаачилга, судалгаанд зориулж $ 1.75 тэрбумыг оруулсан байна. 2019 онд уг сан 43 тэрбум гаруй долларын цэвэр хөрөнгөтэй байв. Билл, Мелинда Гейтс нар 1994-2018 оны хооронд 36 тэрбум гаруй долларыг уг санд оруулсан байна.

Эх сурвалж: BBC