БНАСАУ-ын удирдагч Ким Чен Ун өөрийн охиныг Мягмар гарагт цэргийн хуаран дээр тансаг цайллагад авчирсан нь түүнийг залгамжлагч болгож байгаагийн тод илрэл боллоо. Кимийн хоёр дахь хүүхэд  болох охин 9 орчим настай Жү Аэ болон түүний аавын хамт эхнэр Ри Сол Жү нар хуаранд зочилж, байгуулагдсаны 75 жилийн ойн хүндэтгэлийн цайллагад оролцжээ.  

Төрийн мэдлийн "Родонг Синмун" сонинд нийтэлсэн зургуудад цэргийн офицерууд алга ташиж, хүлээн авалт хийх газар руу ороход охин Ким болон түүний ээжийн хажууд алхаж байгааг харуулсан байна. Хүлээн авалтын үеэр охин Ким, ээжийнхээ дунд тэргүүлэх ширээний төвд сууж байв.

Кимийн гэр бүл, цэрэг арми нь бүгд хүчирхэг улс оронд ийм чухал арга хэмжээнд охин оролцох нь тодорхой дохио болдог гэж Сөүлийн Евха их сургуулийн профессор Лейф-Эрик Эйсли хэлэв.