Ханхүү Гарригийн хуучин найз бүсгүйг Кэролайн Флэк гэдэг байсан бөгөөд теле-радиогийн нэрт  хөтлөгч байсан юм. Түүний цогцсыг энэ сарын 17-нд Лондон дахь гэрээс нь олсон байна. Цагдаагийн байгууллагаас түүнийг амиа хорлосон байж болзошгүй гэж мэдэгджээ. Амиа хорлох үедээ алдарт хөтлөгч 40 настай байжээ. Түүний гэр бүлийн өмгөөлөгчийн хэлж байгаагаар тэрбээр 2 хоногийн өмнө амиа алдсан байж болзошгүй байгаа гэнэ. Мөн тэрбээр энэ хүнд хэцүү үед гэр бүлийнх нь гишүүдийг санааг зовоохгүй байхыг олон нийтээс хүсчээ.