БНХАУ-ын Төрийн зөвлөл коронавирусийн дэгдэлттэй холбогдуулан эдийн засгийг дэмжих шинэ арга хэмжээ авахаар болжээ. Өдгөө халдварын голомтод коронавирусийн халдвар авсан хүмүүсийг улирлын энгийн томуугаар өвдсөн өвчтөнүүдээс тусгаарлах нь хамгийн чухал зорилт болоод байна. Тус улсын Төрийн зөвлөл ялангуяа Хубэй мужийн жижиг, дунд үйлдвэрлэгчдийн татварыг бууруулах, гахайн аж ахуйд санхүүжилт олгох, бага хүүтэй зээл олгох, түрээсийн төлбөрийг бууруулах зэрэг арга хэмжээ авахаар төлөвлөжээ.