Энэтхэг улсын байдал хүнд хэвээр байна. Энэ сарын 25-ны өдөр нийт 16.9 сая хүн коронавтрусээр өвчлөөд байсан бол энэ тоо сүүлийн 24 цагт өсч 350 мянга орчим шинэ тохиолдлоор нэмэгдээд байгаа юм. Сүүлийн 5 өдөр өвчлөл болон нас баралт огт буурсангүй. 25-ны өдөр 2767 хүн нас барсан бол сүүлийн 24 цагийн байдлаар 2771 хүн нас барсан байна. Нас баралт Махараштра мужид хамгийн их буюу 524, Энэтхэг улсын нийслэл шинэ Дели хотод 324 нас баралт бүртгэгдсэн байна. Нөхцөл байдал ер дээрдэхгүй байгааг тус улсын эрүүл мэндийн яамнаас мэдэгдэж байна. Тус улсын эмнэлгүүд шинээр өвчтөн авах ямар ч боломжгүй болоод байна. Одоогийн байдлаар АНУ, Пакистан зэрэг улс туслахаа мэдэгдээд байна.